Oñati eta Chauteaubernard-en arteko anaitze hitzarmenaren X. urteurreneko ekitaldietara etorriko diren bisitariak hartzeko deialdia egin du Anaitze Batzordeak. Guztira, 80 bat pertsona etorriko dira Oñatira. Bisitariak etxean hartu gura dutenek hartu-emanetan jarri beharko dute telefono hauetakoren batean: Jose Fernandez (943 78 28 77), Jose Antonio Urteaga (695 75 17 27) edo Turismo Bulegoa (943 78 34 53).
Harrera-familiek ostatua eta gosaria eman beharko diete, bazkariak eta afariak taldeko gainerako kideekin egingo dituzte-eta.
Gainera, Chateaubernardeko bisitariak hartzen dituzten familiek, lehentasuna izango dute urriaren 9tik 11ra Frantziara egingo duten itzulerako bisitan parte hartzeko.
Askotariko ekitaldiak
Bi herrien arteko anaitzearen urtemuga ospatzeko askotariko ekitaldiak antolatu dituzte. Besteak beste, Oñati Abesbatzak Chateuabernard-eko erdi aroko azokan parte hartuko dut maiatzaren 15etik 17ra. Gainera, Aloñako infantil mailako futbol taldeek nazioarteko txapelketan parte hartuko du Frantzian maiatzeko azkeneko aste bukaeran.
Dena den, ekitaldi nagusian uztailaren 3tik 5era egingo dituzte. Arrikurutzera bisita egingo dute, eta uztailaren 4an anaitze hitzarmena berretsiko dute bi herrietako udal ordezkariek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
