Bost bertsolari Gipuzkoako Eskolarteko Bertsolari txapelketan lehiatuko dira

Beñat Alberdi, Iñaki Igartua, Endika Ruiz, Arantzazu Sagarzazu eta Egoitz Atxaga lehiatuko dira bihar, Santa Ana antzokian egingo den bat-bateko saioan. Nagusien mailan, guztira, zortzi bertsolari lehiatuko dira. Egoitz Aizpuru oñatiarra izango da gai jartzailea. Bestalde, 14 urtetik beherakoen mailan, ez da herriko ordezkaririk egongo. Elgoibar, Zumarraga eta Urretxuko bertsolariek kantatuko dute maila horretan. Hirugarren txapelketa, bertsopaperekoa, Txantxiku Ikastolan egingo dute.

 

Txapelketak hiru fase ditu

Gipuzkoako Eskolarteko 28. Bertsolari Txapelketak hiru fase ditu: ikastetxe barruko aukeraketa, eskualdeko kanporaketak eta finala, eta bi arlotan jokatzen dute: bertsopaperean eta bat-batean. Bat-bateko finalera txikien mailako lau talde pasako dira eta, handien mailako zortzi bertsolari. Aldiz, bertsopaperetako erabakia eta sariak finalean banatuko dira. Beste hiru kanporaketak, Usurbilen, Elgoibarren eta Alegian jokatuko dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.