Espainia, Portugal, Brasil, Estatu Batuak, Argentina eta Perutik etorritako 20 zientifikok bortizkeri soziala eta indarkeri horren eraginak irudikatzeko erabiltzen diren erak izango dute aztergai Lege Soziologiako Institutuan. Arlo akademiko, juridiko eta legegileetako kideek, indarkeria dela eta sortzen diren eztabaida publikoetan jokatzen duten papera izango dute kontuan.
Arlo akademikoen garrantzia handia da, gizarte eta lege zientzietako adituek ikuspuntu anitzak dituztelako, eta bortizkeri soziala irudikatu eta sozialki kudeatzerakoan duten erantzukizunagatik. Hau dela eta, gizarte eta lege zientzietako ikertzaileek, askotan gizartearentzat ulertezinak suertatzen diren egoerak aztertzeko jarraitzen duten prozesu teoriko eta metodologikoak berrikusten ari dira.
Hiru gai nagusi bileran
Hiru gai nagusien inguruan garatuko da bilera:
- Gizarteak indarkeria jasaten badu, norbanako eta taldeko nortasuna eraikitzeko jarraitzen diren prozesuak aztertuko dira, gizarte eta lege zientziek gertaera hauek kudeatzeko dituzten aukerak aipatuz.
- Nortasun soziala eratzeko momentuan, egoera traumatikoen aurrean sortzen den memoria kolektiboaren inguruan egiten diren ikerketa zientifikoen garrantzia.
- Egoera larri hauek jasotzeko mekanismoak eta ezartzen diren mugak aztertzen duten lanak aurkeztuko dira.