Gehienak, Espainiatik
Turista gutxiago etorri arren, beste behin, gehienak Espainiatik etorritakoak izan dira; hain justu ere, 1.646. Besteak beste, Kataluniatik 558, Madrildik 322, eta Balentziatik 255. Azkenik, atzerritik 411 pertsona pasa dira Turismo Bulegotik. "Aipagarria da Poloniatik etorritako taldea; hain zuzen ere, 13 pertsona etorri ziren Araotzen eskalada egiteko asmoarekin".
Natur ibilbide gidatuak
Urtero bezala, Turismo Bulegoak Natur Eskolako irakasleen laguntzarekin natur ibilbide gidatuak egin ditu uztailean eta abuztuan. Guztira, 34 lagunek hartu dute parte sei ibilbideetan; hain zuzen ere, 30 gipuzkoarrak ziren eta lau oñatiarrak.
Abuztuan, arrikrutzera
Arrikrutzen turista asko ibili dela esan digute arduradunek; gehienbat, abuztuan (2.100 turista). Ekaina, uztaila eta abuztuko datuak batuta 6.400 turista egon dira Arrikrutzen. "Aste bukaeratan egon da turista gehien, eta erreserba asko eduki ditugu", esan digute Arrikutzen.