Era guztietako piezak jo dituzte trikitilariek: Gabon kutsukoak batzuk, betiko kanta herrikoiak beste batzuk. Interes handiarekin jarraitu dituzte bai Eguneko Zentroko erabiltzaileek eta baita bertara joandako senitartekoek ere. Adi entzun dituzte piezak; entzun bakarrik ez, abestu ere abestu dute hainbatek.
Seme-alabak, bilobak eta kasu batzuetan, birbilobak; denak batera egon dira gaur, eta senitartekoek erabiltzaileek egindako lanak eta Gabonetako postalak ikusi eta jasotzeko aukera izan dute.
Goiza borobiltzeko hamaiketakoa egin dute denek batera, horrelako egunetan kolesterolak ez du-eta gehiegi inporta.