Familia gara. Familian gara dioen pankarta bakarraren atzetik igoko dira bihar milaka lagun Arantzazura. Beste urte betez, elizbarrutiak deituta bakearen aldeko ibilaldia egingo dute.
Ibilaldia 09:30ean hasiko da baina ordubete lehenago, 08:30ean, Oñati eta Arantzazu arteko errepidea itxi egingo dute. Martxa pasa ahala irekiko dute.
Otoitzaldia
Ibilaldia 12:00ak inguruan iritsiko da Arantzazura; orduan, ekitaldia egingo dute Arantzazuko plazan. Hainbat kantu eta otoitzen ondoren, gotzainak mezua irakurriko du. Fedea, elkartea eta bakea izango dira gotzainaren mezuaren oinarria.
Oinez igo ezin direnak
Arantzazura oinez igo ezin duten fededunak autobusetan joan beharko dira. Martxaren atzetik igoko dira eta goiko otoitzaldia beste guztiekin batera entzungo dute. Gainera, autobusean irratiz entzungo dute martxan esaten dena.
Behin ekitaldia amaitutakoan, oinez igoko direnentzat autobusa egongo da Oñatira jaisteko, uneoro.