Oñatiko Verkol Aloñak eta Portugaleteko Jariller taldeek 28na bukatu zuten zapatuan Zubikoan jokatutako partidua. "Azken momentuan berdindu genuen. Arerioak gola sartu eta partidu amaiera adierazai zuen epaileak", dio Ainhoa Unamunok, Verkol Aloña taldeko entrenatzaileak. "Partidu hasieran lo geunden, baina erreakzionatu egin genuen eta ia denbora osoan eurak aurretik joan baziren ere, azken bi minuetan bigatik irabazten genbiltzan", jarraitu du Unamunok.
Epailearekin haserre bukatu zuten oñatiarrek. "Zazpi aldiz egon ginen jokalari bat gutxiagorekin, baina bi minutu ordez, bi eta erdi izan ziren askotan. Partidua ere pixka bat luzatu zuen", zehaztu du Unamunok.