Bidezko merkataritza denda, Misio Taldearen eskutik

Kale Barria kalean dagoen Don Pedruena etxeko beheko solairuan egokituko duten denda, zapatuan ireki asmo dute, eta lau aste bukaeratan egongo da zabalik ordutegi honekin: egubakoitzetan, arratsaldeko 6etatik 8etara, eta, zapatuetan, goizeko 11etatik ordu batera, eta 18:00etatik 20:00etara.

Produktuak

Parrokiko Misio Taldeak zabalduko duen dendan, hirugarren munduko artisau lanak eta bidezko merkataritzako produktuak salduko dira. Irabazi ekonomikoak baino gehiago elkartasuna eta beste era bateko merkataritza, merkataritza justuagoa egin daitekeela da, Misio taldeak zabaldu nahi zuen mezua.

Afari solidarioa

Halaber, Parrokiako Misio Taldek beste ekitaldi bat iragartzen du, egubakoitzerako: urteko azken afari solidarioa egingo du, Bidaurretako fraideen aretoan. Afaria amaituta, misio taldeak  babestu duen Argentinako Quetas indigenen komunitatean ura atera eta gordetzeko bonba eta ur biltegien proiektua bukatutzat emango da. Hala, azken datu eta xehetasunak azalduko dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.