Ertzaintzako iturriek esandakoaren arabera gaur goizaldean Bidaurretako monasterioan sartzen ahalegindu dira. Ez dute ezer lapurtu, baina kalte materialak eragin dituzte; besteak beste, hainbat ate indarrez apurtu dituzte. Monasterioko arduradunek ez dute salaketarik ipini, ez dutelako ezer lapurtu. Era berean, lapurrak parrokian sartu dira. Kanpandorrearen behean dagoen kristalezko atea zulatu dute eta kutxetako dirua eroan dute. Joxan Larrañaga parrokoaren esanetan 700 bat euro lapurtu dituzte.
Bidaurreta Monasterioko arduradunak 06:00etan konturatu dira norbait eliza barruan egon dela, kanpoko atea apurtuta zegoela ikusi dute-eta. Berehala konturatu dira eliza barruko eta klaratarrak dauden etxeko hainbat atea txikituta zeudela; besteak beste, sakristia sarreran dagoen 500 urteko atea. "Susto galanta hartu dugu, baina zorionez ez dute ezer lapurtu", esan digute Bidaurretako klaratarrek.
Parrokian ere bai
Bestalde, parrokiako sakristiara ematen duen ateko kristala konpontzeko zain daude. udaltzaingoko arduradunak eta Aseguru Etxeko kideak egon dira parrokian argazkiak egiten. Parrokoan esan digu salaketa jarriko dutela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak