Goizaldeko ordu biak eta erdi inguruan, Ertzaintzak abisua jasota, Zubillaga auzoko Altuna Hermanos, S.A enpresara joan dira. Ustezko lapurrak kristala apurtuta sartu dira eta Ertzaintza iritsi den unean, bik ihes egin dute atzeko leihoetatik, eta beste bi, makina baten azpian gorde dira. Ertzaintzaren arabera, makina automatikoetatik dirua ateratzeko denbora bakarrik eman die. Atxilotuak 33 eta 36 urteko bi gizonezko dira eta delituzko aurrekariak dituzte. Indarkeriaz lapurreta egitea leporatu die Ertzaintzak. Ihes egitea lortu duten beste biak dagoeneko identifikatu dituzte.