Txantxiku Ikastolak, udako eskolaz kanpoko jardueren artean, 1995ean "Enjoy English" programari hasiera eman zion. Aurtengoa 13. ekitaldia da. Bertan Haur eta Lehen Hezkuntzako ikasleekin osatutako 4 taldek parte hartuko dute. Programa horren helburua ingelesa ikuspegi ludikotik lantzea da. Ingeleseko ikastaro berezi hau eleaniztasun planteamenduaren proiektu osagarri gisa aurkezten da, hainbat jarduerez osatuta dagoena eta urtez urte berritzen dena.
"Enjoy English” programa atzotik, ekainaren 27tik uztailaren 24ra bitartean luzatuko da. Ikastaroari amaiera emateko uztailaren 20an, arratsaldeko 18:00etan, Santa Ana antzokian, herritar guztiei zuzendutako "Enjoy English Show” emanaldia izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak