Goizaldean jaso du Ertzaintzak Barakaldoko bizilagunaren desagerpenaren berri. Atzo arratsaldean abiatu zen 33 urteko barakaldarra Arantzazu ingurura perretxiko bila, familiartekoen arabera. Gauean, familiakoak perretxikozalea itzuli ez zela konturatu zirenean eta berarekin kontaktatzeko modurik ez zutela ikusirik, desagerpenaren berri eman zuten Ertzaintzan.
Hala, abisua jaso eta berehala abiatu ziren ertzainak familiak esandako lekura. Han bertan topatu zuten desagertutakoaren autoa, perretxikozale askok erabiltzen duten mendi pista batean, Arantzazu eta Urbia artean.Gauean bilaketarako egoera onik ez zegoela ikusita, gaur goizean goiz ekin diote desagertuaren bilaketari.