Atzo eroritako mutikoa laster etxean egotea espero dute

Halaxe adierazi du Goiena.net-en mutikoaren osaba batek: "Hainbat azterketa egin ondoren sendagileek umea osorik dagoela ziurtatu dute. Oraindik gora behera denak ez badakizkigu ere umeak bere aitari 'jausi inaiz' aitortu dio. Laster etxera etortzea espero dugu." Atzo, astelehena, gertatu zen istripua Oñatiko Apaolaza Alarguna etorbidean, 13:00ak aldera. Lau urteko mutikoa etxebizitza bateko laugarren solairutik jausi zen, bainugelako leihotik.