Atzo, barikua, PKU, Golpe de Estado eta Gatillazo taldeek, Atzeko kaleko jaiei hasiera ezin hobea eman zieten. Gaua PKU taldekoek berotu zuten; Golpe de Estadok sutan jarri zuen giroa eta zoramena Gatillazorekin etorri zen. Hemen duzue kontzertuetako argazki galeria:
Egitaraua: astelehena eta martitzena
Jaiak martitzenean amaituko dira. Bihen bitartean astelehen arratsaldean umeendako karaokea eta buruhandi eta erraldoiekin kalejira egingo da. 20:00etan, Oñatiko taldeek kontzertuak eskainiko dituzte. Martitzenean, hilaren 9an, Arantzazura erromesaldia egingo dute goizeko 7etan. Eguerdian meza nagusia izango da. Arratsaldean buruhandi eta erraldoiekin kalejira egingo dute eta 20:00etan bideo emanaldiak izango dira. Aurtengo Atzeko Kaleko jaiei gaueko 12etan esango diete agur.
