Bidearen mozketa San Martin egoitzaren sarrera baino gorago egingo dute; hortaz, oinez edo autoz joan ahalko dute zaharraren egoitzara. Era berean, San Martin zuhaiztira joateko bidea zabalik egongo da.
Bestalde, herritarrek Roke Azkune kaletik dauden eskailera erabil dezakete.
Bideak, 12 metroko zabalera
Hainbat lan egingo dituzte Murgia auzora doan bidean. Alde batetik, lurpeko azpiegituretako zerbitzuen instalazioak egingo dituzte, bidearen profila zati handi batean aldatu egingo da-eta. Beste alde batetik, bideak dituen malda ezberdinak parekatu egingo dituzte.
Zubiaren eskuinetara zeuden etxeak bota egin dituzte, eta hondeatzailea lurra mugitzen hasi da. San Martin zubitik zaharren egoitzaraino eskuin aldetik zabalduko dute bidea. Handik gora ezkerretik zabalduko dute; alegia, etxe berriak egiten diharduten tokitik. Guztira, 12 metroko zabalera izango du bideak zatirik estuenetan. Hain zuzen ere, aparkalekurik egokituko ez duten tokietan. Autoendako errepidea sei metrokoa izango da. San Martin aldetik 1,50 metroko espaloia egingo dute, eta beste aldean, bi metroko espaloia eta 2,50 metroko bidegorria.
Udalak kaleratutako oharrean herritarren eta bereziki Murgiako auzotarren elkarlana eskertzen dute. "Eragozpenak egungo egoera hobetzeko izango dira", diote udal arduradunek.