Euskal Herriko hainbat herritan biltzen dira otoitz egiteko. "Orain arte, hemendik gertuen Donostian eta Elgoibarrek egiten zituzten otoitzaldiak, aurrerantzean debagoiendar guztiak Oñatira etor daitezke", esan zuen aurkezpenean.
Izena emateko aukerak
Asis Sareari buruzko informazioa ematerakoan parte hartzaileekin zer partekatu nahi duten azaldu zuten: "Alde batetik gizakiok gure alderdi espirituala berreskuratu behar dugula uste dugu, eta beste alde batetik, espiritualtasun frantziskotarrak ekarpen garrantzitsuak egin ditzakeela uste dugu".
Asis Sarea urriaren 25ean sortu zuten Arantzazun, eta gertutik ezagutu gura dutenei deia egin zieten. Parte-hartzaileek, ezinbestean, helbide elektronikoren baten bidez konektatuta egon beharko dute. Izena eman nahi dutenek, bi aukera dituzte: 646 21 48 96 telefonora deitu dezakete edo asissarea@aranatzazu.org helbidera mezua bidali dezakete.