Berrikuntzak eta ekitaldiak
Txapelketan egongo da berrikuntzarik. Proben ordena aldatu egingo dute eta orain arte lehenengo egin duten banderen proba bigarren kanporaketarako utziko dute. Asmoa da txakur guztiak ardiekin lanean ikustea. 50. edizioa ospatzea ez da nolanahiko kontua eta hori dela eta, txapelketaren egunean bertan, berau inoiz irabazi duten artzainek omenaldia jasoko dute.
Honetaz gain, dagoeneko irekita dago kultura etxean txapelketako argazki eta kartel historikoak batzen dituen erakusketa. Eta egun handiaren bezperan, irailaren 26an, okela lehiaketa eta pintxo dastaketa antolatu dituzte.