Arrano elkartearen 25. urteurrena ospatu dute

Oñatiko Arrano elkartearen 25. urteurrena ospatu zuten zapatuan. Eguna trikipoteo herrikoi batekin hasi zuten, Arranon bertan. Gero, bazkaria egin zuten Arrano elkartearen aurrealdean. Guztira, 70 lagun inguru bildu ziren bazkaritarako. Eguraldia lagun zutela, giro ezin hobean bazkaldu zuten. Bazkalostean bertsolariak eta trikitilariak aritu ziren. Gogoratu, astelehenean, hilaren 21ean luntxa egongo dela Arrano elkartean. Gainera, urtean zehar, hainbat hitzaldi eta ekitaldi antolatuko dituzte; besteak beste, Markel Irizarrekin ziklismoaren gainean berbaldia.