Baldintzak eta frogak
Oposaketa-lehiaketa sistema erabiliko dute lanpostua betetzeko. Arkitekto tekniko lanpostua eskuratzen duenaren ardurak izango dira, azpiegituren eta zerbitzu bulego teknikoa kudeatu, bide-azpiegiturekin zerikusia duten jardunak koordinatu eta zuzendu, ekimen-programak egin, eta kontratatutako obra eta azpiegituren kalitatea zaindu, besteak beste.
Oposaketa-lehiaketa bidez egingo den azterketaldiak bost ariketa izango ditu. Lehenengo hiru frogak idatziz garatu beharreko ariketa teorikoak eta baztertzaileak izango dira.
Laugarren proba praktikoa eta baztertzailea izango da. Hain zuzen, hainbat ariketa egin beharko dituzte lanpostuaren eskakizun teknikoetara nola egokitzen diren neurtzeko.
Azken ariketa euskarari dagokiona izango da. Laugarren hizkuntza-eskakizuna egiaztatzen ez dutenek egin beharko dute.