Lehiaketan parte hartu gura dutenek, gehienez hiru argazki aurkez ditzakete. Argazkiak paperean edo CD euskarrian aurkez daitezke. Gainera, argazki bakoitza azalpenarekin entregatu behar dute, eta argazkia egin zeneko data zehaztu beharko dute. Guzti hori ezizena daraman kartazal batean sartu, eta barruan norbere datuak jarrita, gaztelekuko Gazte Informazio Puntuan entregatu beharko dituzte, hilaren 26a baino lehen.
Erakusketa egingo dute
Epea bukatu ondoren, argazki onenak gaztelekuko kuboan egingo duten erakusketa jarriko dituzte, eta erakusketa ikustera joaten direnek erabakiko dituzte lehiaketako irabazleak. Hau da, ikusleek gustukoen duten bi argazkien aldeko botoak emango dituzte. Ondoren, boto gehien jasotako bi argazkien egileei sariak banatuko zaizkie. Hain justu ere, 150 euro irabazlearendako, eta 100 euro bigarrenarendako.