Tamaina librean
Argazkiak tamaina librean, baina 40x50 zentimetroko euskarri bertikalean aurkeztu beharko dituzte. Gainera, atzealdean gaia (mendia eta natura edo salaketa) eta argazkiaren izena jarri beharko dute. Guzti horrekin lehiaketan parte hartzeko inprimakia beteta eroan beharko dute Aloña Mendik Atzeko kalean duen egoitzara. Lehiaketan 18 urtetik gorakoek parte hartu dezakate.
Zortzi sari banatuko dituzte
Parte-hartzaile bakoitzak gehienez sari bat jasoko duen arren, guztira zortzi sari banatuko dituzte: kategoria bakoitzeko hiru onenendako 300, 150 eta 100 euroko sariak; 100 euroko erosketa-txartela herriko argazki onenarendako, eta 100 euro alpinismoko argazki onendarendako.
Epaiamahaia argazkigintza arloko adituek osatuko dute eta abenduaren 10ean emango dute euren epaia. Abenduaren 19an, 19:00etan, sari banaketa ekitaldia egingo dute kultura etxeko erakusketa gelan. Gainera, lehiaketara aurkeztutako lan batzuekin erakusketa egingo dute abenduaren 19tik urtarrilaren 3ra arte. Urtarrilean zehar lehiaketan parte hartutako argazki guztiak postaz bueltatuko zaizkie egileei.