Foru Aldundiko, Mondragon taldeko, Oñatiko Udaleko eta Frantziskotar fraideen ordezkariak bildu ziren atzo, astelehena, Foru Aldundiko notarioaren aurrean sinatze ekitaldirako. Arantzazu sustatu eta eraberritzeko xedea duen fundazioak, euskal gizartearendako espiritualitate, kultur, arte eta bake erreferente izan gura du
2007ko abenduan sinatu zuten Arantzazun hitzarmen markoa eta orduan estatutuak eta arlo ekonomikoa zehaztu zituzten.
Hitzarmen marko hartan zehaztu zituzten baita ere erakunde bakoitzaren bete beharrak. Santutegiko gune erlijiosoak frantziskotarren ardurapean jarraituko du. Fundazioaren esku gelditu dira kultura, natura, eta zerbitzu arloen kudeaketa.
Foru Aldundiak bere gain hartuko du lehenengo lau urteetan aurrekontuak eratzeko konpromisoa eta Oñatiko Udalak fundazioaren mantenuan lagunduko du urtero diru ekarpenak eginaz.