Ibilbide natural egokituen sarea otsailaren 21ean aurkeztu zuten Gipuzkoako Foru Aldundiko Landa Ingurunearen Garapeneko eta Mendietako eta Natura Inguruneko arduradunek, Oñatiko alkate Lourdes Idoiagak eta La Caixako Gizarte programetako arduradunek.
Zailtasunak dituztenendako
Ibilbide
natural egokituen sarearen bidez, ezberdintasun funtzionalak –modu
bateko edo besteko mugak, ezintasunak– dituztenei ibilbide
interesgarrietan ibiltzeko aukera eman nahi die Aldundiak.
Ezberdintasun mota asko hartu dituzte kontuan: fisikoa –gurpildun
jesarlekuak edo makuluak darabiltzaten pertsonak, adindunak,
ume-kotxeak daramatzatenak, bizikletan dabiltzan umeak…– ikusmenekoa,
entzumenekoa edo intelektuala –ulermen, orientazio edo erabakiak
hartzeko maila txikiagoa dutenak. Horien premiei erantzuteko, bideek
baldintza batzuk betetzen dituzte, eta hauek egokituko dituzte:
aparkalekuak, zabalera, malda, ateak eta hesiak, informazio eta
atsedenerako guneak, altzariak, segurtasuna, zerbitzuak eta argiak.
Irizpide
horietan oinarrituta, lehen hautaketa baten, lau ibilbide hartu zituzten
Gipuzkoako parke naturaletan: Aizkorri, Aralar, Pagoeta eta Aiako
Harria. Horietatik, Aizkorrikoa –Arantzazutik Gomiztegira doana– egin dute lehena. Proiektu osoa egiteko, 1,5 milioi euro
jarri ditu Aldundiak.