Aloña Mendikoek asmatu egin dute aurten Garagardo jaian egindako aldaketekin

Karpa handiagoa ipini dute aurten, eta igeriketa sailaren 25. urteurrenarekin bat egiteko bi aste bukaera atzera dute Garagardo jaia. "Leku gehiago izan dugu, jendea ibili da, eta igeriketako sailekoen zapatuko bazkaria oso hunkigarria izan zen. 120 lagun elkartu ziren eta urteotan elkartean lan egindako hainbat lagun omendu zituzten, tartean Hartza bera. Den modukoa izanda, bigundu ere egin zen!". Aloñako presidente Anton Intzaren hitzak dira. Oso pozik agertu da garagardo jaiak aurten emandakoarekin, baina jende askoren ahaleginari esker lortutako emaitza dela azpimarratu du. "Babesleak, laguntzaileak... balore seguruak ditugu", esan du. "Horrelako jendearekin zernahi egin daiteke. Eskerrik asko guztiei!".