Bi sailetan banatu dute lehiaketa –mendia eta natura bat eta bestea salaketa–, eta, hala, gai bakoitzeko hiru sari banatuko dituzte; horrekin batera, urtarrilaren 5a arte ikusgai egongo den erakusketa zabalduko dute, hori ere kultura etxean; argazki lehiaketan sarituak izan diren lanak ipiniko dituzte.
Bestalde, Aloña Mendiko mendi sailak webgunea zabaldu du, eta bertan jasoko dituzte mendi sailak antolatutako mendi irteerak, argazkiak eta abar. Helbidea honako hau da: www.alona-mendi.com.
Gasherbrum-II espedizioa
Bestetik, Pakistango Gasherbrum-II (8.035) mendia igotzeko asmoz Debagoienetik eta Urolatik joan zen gazte talde batek bizitakoaren gaineko iku-sentzunezkoa ere antolatu du; kultura etxean, 19:30ean. G-IIko espedizioari buruzko emanaldia da, aurtengo mendi astean bertan behera gelditu zena.