Aldundiko herritarren partaidetzarako zuzendaria Txantxiku ikastolan eguerdian

Imanol Lasa Gipuzkoako Foru Aldundiko Herritarren Partaidetzarako Bulegoko zuzendaria Txantxiku ikastolan izango da gaur hizlari 12:10ean areto nagusian. Hain zuzen,Aldundiak 'Gipuzkoa Eraikitzen' izeneko ekimen parte-hartzailearen saioetako bat egingo du Oñatin eta Lasa ikastolako 50 ikaslerekin elkartuko da etorkizunera begira Gipuzkoak dituen arazoak eta erronkak partekatzeko. Zuzendariak zuzenean entzungo ditu partaideen ekarpenak eta kritikak eta haien galderak erantzungo ditu. 'Gipuzkoa Eraikitzen' ekimenaren helburu nagusia da Gipuzkoaren errealitatea ezagutzera ematea eta legealdi honen hasieran onartutako 2007-2011 Kudeaketa Planaren exekuzioa eta emaitzak jakinaraztea.