Diputatuen kontseiluak onartu du hitzarmena, eta Bide Azpiegituretarako departamentuak 901.000 euro emango ditu egin beharreko lanetarako.
Bideratze lanek eragiten dioten bide zatia foru titulartasunekoa da, eta zehazki, GI-2630 errepideko 21,200 kilometroko bihurgunean egingo dira lanok. Bihurgune hori aldatu egingo da, baina lanak ez dira horretara mugatuko: Altuna lantegiaren parean dagoen presa bota egingo da, ertzak harri lubeta batekin babestuz; eta errepideak dituen bi zubiak ere bota egingo dira, ondoren bien artean beste bat eraikitzeko.
Euri-jasak daudenean errepidearen zati horretan uholdeekin egon ohi diren arazoei aurre egitea da aldaketa guzti hauen helburua.