Gipuzkoako Aldundiak 11.192.205 euro inbertituko ditu Oñatin 2007 urtean. Horixe onartu zuten Batzar Nagusiek joan den abenduaren 22an eta horixe jakinarazi dio Aldundiak Lurdes Idoiaga alkateari.
Inbertsioak hainbat alorretan egingo dituzte, adibidez: suhiltzaileen zerbitzuan (307.837 euro); errepideen mantenimendurako obretan (702.000 euro); San Martin egoitzan (200.000 euro); Arantzazuko parketxean (100.000); soziologia juridikoko mintegian (24.000 euro); Zubillagako zubian (900.000 euro) eta Iturrigorriko basoa erosteko (600.000 euro).
Aldundiak sarean jarri ditu udalerri bakoitzean inbertituko dituen diru kopuruak. Hauxe da helbidea: www.gipuzkoa.net/ogasunanet/aurrekontuak.