Aita Madina konpositore oñatiarra jaio zela 100 urte beteko dira astelehenean eta urteurren hori ospatzeko ekitaldiak antolatu dituzte domekarako, hilak 28: meza egingo dute Zubillagako elizan, 12:00etan, eta ostean, plaka bat jarriko dute bere jaiotetxean, Txipitxaillen. Arratsaldean, 19:00etan, harpa kontzertua egongo da Santa Anan; Cristina Sanchez Cuetarak joko du harpa.
Gipuzkoara ere zabaldu dute
Oñatin urte guztian zehar ospatuko da Aita Madina jaio zen urteurrena baina baita Oñatitik kanpo ere. Azkoitian, Errenterian eta Donostian egingo dituzten musika ziklo eta emanaldietan ere berak sortutako piezak joko dituzte. Baita Oñatin ere, maiatzean egingo duten musika zikloaren barruan.
Francisco Madina Igartzabalek, Aita Madinak, filosofia, teologia eta musika ikasketak egin zituen Oñatin eta Burgosen. Ia 25 urte egin zituen Argentinan eta AEBn ere egon zen.