330 neska-mutikok parte hartuko dute 'Oñati milakolore' udalekuetan uztailean

Uztailaren 1etik 30era askotariko ekintzak egingo dituzte; Zuazola Institutuaren gimnasioan utzi eta jaso beharko dira neska-mutikoak. Guztira, 4 eta 10 urte arteko 330 neska-mutikok jardungo dute 33 begiraleren, laguntzaile baten eta koordinatzaile biren zaintzapean.

Koloreak nagusi

Ume bakoitzak talde, begirale eta kolore bat izango du. Horixe da hain zuzen ere, aurtengo berrikuntzetako bat. Adin tarte bakoitzak kolore bat izango du: 3-4 urtekoak horia; 4-5 urtekoak berdea; 5-6 urtekoak laranja; 6-7 urtekoak urdina; 7-8 urtekoak gorria; eta 8-9-10 urtekoak beltza. Talde bakoitzak kolore bereko banda, bisera eta bandera erabiliko ditu hil osoan.
Udalekuek izango duten beste berrikuntzetako bat Oñati milakolore delako abestia da. Umeekin batera protagonista izango da. Egubakoitzean aurkeztuko dute kantua plazako pilotalekuan. Gainera, Milakolore lorategia sortuko dute ume guztiek unibertsitate aurrean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.