Zapatuan aurkeztu zuen Jokin Zubia oñatiarrak Zañartu, hamaika kontu eta irudi izeneko liburua. Zañartu auzoko baselizan aurkeztu zuen, Lourdes Idoiaga Oñatiko alkatearen eta hainbat auzotarren babesarekin. Urtetan auzoan izan diren hainbat gertakari jaso ditu liburuan eta 150 argazkirekin jantzi du; horietako asko oso zaharrak, gainera.
Aurten ehun urte bete ditu Zañartu auzoan dagoen Zelakua baserriko Santa Kurtz ermitak, eta mendeurrena ospatzeko zerbait berezia egitea pentsatu zuen auzoko talde batek. Horixe izan zen, hain justu, liburuaren abiapuntua. Hasieran, Zelakuako ermita eta eskolan oinarritzekoa zen, "azkenean, ordea, ez gara horrekin konformatu", Zubiaren esanetan, eta Zañarturen gainean aspaldiko agiriek esaten dutena badu dute. DVDa ere kaleratu dute. Liburua eta DVDa salgai daude 25 eurotan Oñatiko liburu dendetan eta Turismo Bulegoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak