Bi urteko lanaren ostean, uztailean lortu zuen ISO9001 ziurtagiria Oñatiko eguneko zentroak. lan gogorra izan da egin behar izan dutena, eta gustura daude emandako fruituarekin.
Gipuzkoa osoan guztira, 71 zentrok egin dute eskaria ziurtagiri hau lortzeko. Oñatikoa lortzen azkarrenetakoa izan da. Bertan egiten den lanaren kalitatea eta eraginkortasuna baloratzen ditu AENORek. Zentroko langileen lana ere goraipatu nahi izan dute arduradunek.
Eguneko Zentroa Oñatin
Duela zazpi urte ireki zuten eguneko zentroa Oñatin. Hasiera batean, sei pertsonak jasotzen zuten zerbitzua. Egun, 21 dira egunero San Martin zahar egoitzara hurbiltzen diren adinekoak. Bertan hainbat ekintza burutzen dituzte, familiako bizitza eta beraien zaintza uztartze aldera.