Irailean martxan jarri zuten autobus zerbitzuaren inguruko kexei ere erantzun die Lurdes Idoiagak Debarri programan. Herritarren eskaerak garraio diputatuarekin eztabaidatu dituztela esan zuen eta eskaera nagusi bat, behintzat, lortu dutela: "Zumarragara edo Bergarara doazen autobusak geltoki bakarra zuten lehen, baina Olakuan eta San Lorentzon ere geldituko dira hemendik aurrera. 4.000 lagun bizi dira bi auzo horietan. Garraio sailekoek ere esan digute geltoki horiek beharrezkoak zirela, jendeak erabiltzen dituela".
Zubillaga auzotik ere pasako dira ordu jakin batzutan autobus horiek, egunean hiru norabide bakoitzean:
- Oñatitik Bergarara: 07:55ean, 13:55ean eta 19:55ean ateratzen direnak Oñatitik
- Bergaratik Oñatira: 08:15ean, 14:15ean eta 20:30ean ateratzen direnak Bergaratik
Bestalde, Oñatitik Eskoriatzara zuzenean joatea ez dute lortu. "Arrasate dela muga diote", esan du alkateak. Txartela, baina, Oñatin hartuko dute erabiltzaileek.
Autobusen ordutegia hemen ere kontsultatu daiteke.