Tanatorio zerbitzua erabili nahi zuten oñatiarrek Arrasate edo Bergarara eramaten zituzten orain arte hildakoak. Baina, datorren urteko udatik aurrera, herrian bertan izango dute tanatorio gaubeila bertan egin nahi dutenek.
Pabilioi batean
Otadui Zuhaiztia kaleko 25. zenbakiko pabilioi baten egongo da kokatuta 350 metro koadro inguru izango dituen tanatorioa. 2007ko uztailerako irekita egotea espero dute arduradunek.
Hiru beilatoki
Ekipamenduari eta banaketari dagokionez, hiru beilatoki izango ditu eta bakoitzean kamara hotz bat jarriko da, hilkaxa gordetzeko. Horrek, hildakoaren gorpua nahi dutenek soilik ikustea ekarriko du.
Errausketa zerbitzurik ez
Momentuz, baina, tanatorio berriak ez du errausketa zerbitzurik eskainiko. Izan ere, Oñatin errausteko joera oraindik ere oso txikia da eta tanatorioaren kokalekua ez da horretarako aproposena.