Beldurrezko Zine astean animazio filma aurkeztuko du Aitor Arregik

Kristobal Molon filma eskainiko dute Donostiako Beldurrezko Zine asteko animazio atalean. Zapatuan, azaroaren 4an, 16:00etan Kursaalen izango da ikusgai. Bihar, urriak 31, Arrasate Irratian izango duzue entzungai elkarrizketa osoa.

Kristobal Molon 3D teknikan eginiko animazio filma da. Film honetan, Gipuzkoako Irusoin eta Dibulitoon Studio etxeak berriro aritu dira elkarlanean Aitor Arregi eta Iñigo Berasategirekin. Aurretik beste bi film zuzendu dituzte Glup eta Supertramps.

Protagonistak 3Dn animatu ondoren maketetan sartzen dituzte ordenagailu bidez. Zuzendari oñatiarrak adierazi digunez, "animazioan dago gakoa hain zuzen. Ikusleari begietatik lehenengo sartzen zaiona animazioa da." Hala, Aitorrek adierazi digu animazioan ematen duela denbora gehien.

Familia osoarentzako filma da. Haur naiz gazteentzako da. Zine komertzialetan abenduaren 5etik aurrera ikusteko aukera izango dugu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.