Kalexka kale-heziketa programaren aurkezpen jaia egin zuten zapatuan, urriaren 21ean, Oñatin. 12 eta 16 urte bitarteko gaztetxoei zuzenduta dago eta Udaleko Ongizate Zerbitzuaren ekimena izen eta askotariko ekitaldiak batzen zituen egitaraua antolatu zuten nerabeon interesa pizteko eta erakartzeko.
Zapatu arratsaldean egin zuten programaren aurkezpen jaia, plazan eta herriko neska-mutiko ugari batu zen jakin minak eroanda. Ekitaldien artean ikusmin handienetakoa eragin zuena udaletxeko balkoitik zintzilikatutako tirolina izan zen. Baina zazpi metroko alturako rokodromoak, skate pistak eta herri kiroletarako egokitutako guneak ere gozatu zuen neska-mutikoon zapatu arratsaldea. Gainera, plazako fronteniserako gunean hainbat tailer egiteko aukera ere izan zuten gazteek: malabareak, perkusioak eta pultsera eta koilareak egitekoa. Hori guztia monitoreen laguntzarekin egin zuten gazteek.
Aurrerantzean zapatu eta domeketan
Datorren asteburutik aurrera, zapatu eta domeketan egingo dute Kalexka programa. Monitoreak ere hantxe izango dira eta gazteen baliabideak aztertzeaz gain, eurekin berba egingo dute batzuetan gurasoak iritsi ezin diren lekuetara iristeko asmoarekin.