Aurten 38. aldia du Tolosako Abesbatzen Lehiaketak. Bertan izango dira Alemania, Ukrainia, Eslovenia, Bulgaria, Frantzia, Erresuma Batua, Italia, Filipinak, Puerto Rico, Indonesia, Norvegia, Estatu Batuak eta Asturiaseko abesbatzak Ganbara Abesbatzarekin batera. Folklore eta Polifonia atalean lehiatuko dira.
Urriaren 31n hasi eta azaroaren 5a bitartean jokatuko da aurten Tolosako lehiaketa. Ganbara Abesbatzak azaroaren 1ean Leidor antzokian eskainiko du emanaldia: 16:00etan Folklore atalean eta 20:00etan Polifoniako atalean arituko dira.
Sarrerak eta autobus txartela
Emanaldiko sarrera 18 euroko prezioa dauka. Autobus txartelarekin, berriz, 25 euro. Urriaren 15a baino lehen eskatu behar dira sarrerak eta txartelak.
Hainbat kontzertu
Tolosara abiatu aurretik hainbat kontzertu eskainiko ditu Ganbara abesbatzak:
- Azpeitia, urriak 14
- Oñati, urriak 22, Santa Anan 19:00etan
- Leioa, urriak 28
- Eibar, urriak 29