Laixanek hainbat ekintza antolatu ditu jaietarako

San Migel jaietarako hainbat ekitaldi antolatu ditu Laixanek. Besteak beste, lema lehiaketa, paella jana, zozketa eta balkoitik balkoirako bertso saioa.

Lema Lehiaketa: jarri dituzte kaxak tabernetan (Luisena, Guria, Pako, Arrano eta Gaztelekuan). Lemak idatzi eta kaxetan sartu behar dira. Lemarekin batera, izen,abizen eta telefono zenbakia. E-postaz ere parte hartu daiteke (laixan@laixan.org) . Lehiaketaren azken eguna irailaren 17a. Lema irabazlearekin 4 mila pegatina ateratzen dira eta irabazleak 60 euroko saria jasoko du.

Paella jana: Errosarixo bixamon egunean, mozorro egunean, txosna gunean paella jana egingo da. Txartelak salgai daude, guria, Luisena, Arrano, Otamendi, Pako eta Laixanen,. Prezioa 6 euro. Jaietan txosna gunean ere erosi ahalko dira, baina aurreko bi urtetan ondo saldu dira eta gastatu berehala egiten dira.

Jaietako zozketa: bi saridun zozketa da, eta dagoeneko txartelak salgai daude Laixanen, Gurian, Pakon, Otamendin, Arranon eta Luisenian. Euro baten truke, bi saritako bat lortu daiteke: 1go saria, nekazal turismo batean asteburu pasa bi lagunentzat eta 2. saria, Zelai Zabalen bazkaria bi pertsonentzat. Zozketa bertsolariek egingo dute balkoitik balkoirako saioan.

Balkoitik balkoira: urriaren 1ean, Kale Zaharrean, Sustrai Colina eta Amets Arzallusek gai librean balkoitik balkoirako saioa eskainiko dute. Iluntzean izango da saioa, 20:30ean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.