Fagor Industrialek zentro logistiko berria ireki du Oñatin

Fagor Industrialek 8.000 metro koadroko zentro logistikoa inauguratu zuen barikuan Oñatiko Migelena auzoan. Pabilioi berriak hartuko du egosketa, labe eta baxera garbiketa gametako bukatutako produktua.

Hala, urtean bukatutako 70.000 makinaren banaketa kudeatuko du. Jose Luis Lizarbe Fagor Industrialeko zuzendari orokorrak azpimarratu zuen "Fagor Industrial Oñatin finkatzeko beste urrats bat" dela zentro berria "herrian lanpostu berriak" sortzeaz gain. Jesus Catania MCCko presidentea eta Lourdes Idoiaga Oñatiko alkatea ere izan ziren ekitaldian.

Bestalde, Fagor Industrialek ISO-14001 ziurtagiria ere jaso zuen barikuan AENOReko zuzendariorde orokor Avelino Britoren eskutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.