Astotrastori ongietorriarekin hasiko dira Trianako jaiak

Astotrastoari ongietorria egingo diote gaur, egubakoitza, Triana auzoan. Zerutik jaitsiko da 19:00etan, eta horrela hasiko dira Trianako jaiak. Asteburu osoan izango dira.

Astotrastori ongietorria eginda, txistulari, erraldoi eta txorimaloen kalejira izango da, eta 22:30ean, Basajaun taldearekin erromeria.

Bihar, zapatua, umeendako marrazketa saioa, auzo poteoa eta, arratsaldean, 26. Mus Txapelketa jokatuko dute, 16:00etan. Gauean, gastronomia jaialdia izango da Aterpe elkartean.

Etzi, domeka, Oñatiko Ganbara Abesbatzak lagunduta, meza entzungo dute San Martingo ermitan; eguerdian, Maalako lagunei harrera egingo diete; 15:00etan, auzo bazkaria izango dute, eta antzerkiarekin eta erromeriarekin bukatuko dituzte jaiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.