Bake prozesuak aztertuko dituzte gaurtik aurrera unibertsitatean

Gaur hasi eta hilaren 8ra bitartean, Euskal Herriko Unibertsitatearen Udako Ikastaroen barruan, bake prozesuak izango dituzte aztergai. Lege Soziologia Institutuarekin elkarlanean antolatu dituzte jardunaldiok eta aztertuko dute lege soziologiak giza eskubideen mesedeetan egin ditzakeen ekarpenak.

Horretarako Ipar Irlandako, Kolonbiako eta Euskal herriko bake prozesuez jardungo dute gai horretan adituak direnek.

Hitzaldien artean aipatzekoak dira Juan Jose Ibarretxek, lehendakariak, Hurrengo eguna izenburupean lehen egunean egingo duena; bigarrenean, Deustuko unibertsitateko Javier Elzok biktimak izango ditu hizpide. Ipar Irlandako gatazkan bitartekari jardundako Harol Good apaiza ere izango da. Jardunaldiotarako ehunetik gora lagunek eman dute izena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.