Marrazkiak, jolasak, San Ferminetako entzierroak, lagunak, eskulanak eta beste hainbat gauza egingo dituzte umeek udalekuetan aurten ere. 28 begiralek hartuko dute 250 ume horien ardura eta elkarrekin pasako dute uztaila.
Igerileku txikiak San Martinen
Usako, herriko plaza, Errekalde auzoa, Olaiturri, Ibarra, plazako frontoia eta beste hainbat gune erabiliko dituzte aurten ere udalekuetako goizak pasatzeko. Bero handia egiten badu, gainera, erosi dituzten igerileku txikiak jarriko dituzte San Martineko zelaian urez beteta txikienek ere uraz gozatzeko.