Azkena Rock Festival saria jaso du Sharon Stoner taldeak. Euskal Herriko rock talderik onenari emandako saria da eta horri esker, abuztuaren bukaeran eta irailaren hasieran Gasteizen egingo duten Gasteiz Rock Festival jaialdian joko dute oñatiarrek, Pearl Jam talde ezagunarekin batera, besteak beste. Bilbao Hiria Pop Rock Lehiaketan saritu dute Sharon Stoner.
Harrituta
Iñigo Ibarrondo taldeko kideak kontatu digunez, "oso pozik eta harrituta gaude; ez ginen finalerako sailkatu eta zeharo harritu gintuen sariak". Bilbao Hiria musika lehiaketa Europaraino iristen da; aurten 1.600 maketa inguru aurkeztu dituzte.
Diskoa, bi aste barru
Sharon Stoner taldeak bi aste barru aterako du diskoa. 11 kantu izango ditu. Orain, kontzertuak ematen ari dira han eta hemen. Duela bi urte, Debagoieneko Danbaka musika lehiaketa irabazi zuen talde oñatiarrak. Aurten bigarren edizioa jarriko dute martxan.