Oñatiko 40 ikaslek egingo dute gaurtik egubakoitza bitartean unibertsitatera sartzeko proba, selektibitatea. Eibarko Ingeniaritza Teknikorako Unibertsitate Eskolan egingo dute.
Guztira 8.049 ikaslek egingo dute selektibitate proba EAEn eta %51,96ak euskaraz egingo du, 4.182 ikaslek, hain zuzen ere. 8.049 ikasle horiek 51 epaimahaitan egingo dituzte azterketak: zortzi Araban, (930 ikasle aurkeztuko dira); 16 Gipuzkoan, (2.814 ikaslek egingo dute azterketa); eta 27 Bizkaian, (4.305 ikasle aurkeztuko dira probara).