Mondragon Unibertsitateko Enpresa Zientzien fakultateko diploma banaketa egin zuten zapatu eguerdian. Ikasleen ondoan zeuden euren guraso, senide eta irakasleak ere. Guztira 88 ikaslek jaso zuten diploma:
- Enpresa Administrazio eta Zuzendaritza lizentziaturako VII. promozioko 28
- Kudeaketa Informatikan Ingeniaritza Teknikoko VI. promozioko 41
- Zuzendaritza Idazkaritzako lehenengo promozioko 19
Diploma banatzeaz gain, hitzaldia ere egin zuten, berrikuntza eta ekintzailetasunaren inguruko hitzaldia. Hitz egin zuten: Jesus Catania MCCko kontseiluko presidenteak; Jose Mari Aizega, Mondragon Unibertsitateko erretore ordeak; Lander Beloki, Enpresa Zientzien fakultateko dekanoak; Begoña Ugarte, zuzendari akademikoak; Jon Ander Irureta Kudeaketa Informatikoko Ingeniaritza teknikoko koordinatzaileak eta Loli Erviti Zuzendari Idazkaritzako koordinatzaileak.