Dantzari eguna da zapatuan

Guztira 200 bat dantzari etorriko dira, Oñati, Arrasate, Antzuola eta Soraluzeko dantza taldeetakoak. Oñatzek, saiheski errea ere prestatu du iluntzerako.

Oñatiko Oñatz, Arrasateko Arrostaitz eta Lore Gazteak, Antzuolako Oinarin eta Soraluzeko Urrats dantza taldeak datoz zapatuan Oñatira, dantzari eguna ospatzera. Debagoieneko dantza talde guztiek hartzen dute parte egun ospakizun honetan baina aurten Aretxabaleta eta Bergarako dantza taldeek ezin izan dute etorri. Urtero herri ezberdin baten egiten dute, eta aurten, 16. aldia, Oñatin egingo dute.

Egun osoko egitaraua prestatu dute:

  • Eskualdeko dantza taldeei agurra, 10:30ean
  • Dantza taldeen kalejira, 10:45ean
  • Alardea herriko plazan, 12:30ean: zazpi dantza dantzatuko dituzte
  • Dantzarien bazkaria Etxe Haundi jatetxean
  • Alardea herriko plazan, 17:00etan

Saiheski errea ere bai plazan

Plazan, gainera, saiheski errea jan ahal izango da, 19:15etik aurrera. Oñatz dantza taldeak postu bat jarriko du udaletxe aurrean Giokela elkartearen laguntzarekin. Saiheski errea eta sagardoa edo ardoa egongo dira jan eta edateko. Saiheski pintxoak euro bat balioko du eta edariak beste bat. Dirua Oñatiko dantza taldearendako izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.