Zineklubak atsedena hartuko du urrira arte, aste honetako emanaldia eta gero. Azken eskaintza La ventana de enfrente filma da, eta, beti bezala, eguenean emango dute kultura etxean, 20:00etan.
Ferzan Ozpetek-ek zuzendutako filma da, eta Giovanna Mezzogiorno eta Massimo Girotti dira protagonistak. Giovanna izeneko emakume ezkonduari bere harremanaren gaineko zalantzak sortzen zaizkio eta, istorio horren bidez, aukeratzeko ahalmenaren gaineko filma egiten da.
Ikusienak
Urtarriletik apirilera bitartean, zineklubeko film ikusiena La pesadilla de Darwin dokumental ospetsua izan da (102 ikusle); segidan, Paradise now (83) eta La historia del camello que llora (79).