Pozik egoteko moduan dira Oñatiko Ganbara Abesbatzako kideak. Laugarren saria ekarri dute asteburuan Esloveniako Maribor hirian jokatu den Nazioarteko VIII. Koru Lehiaketatik. Gainera, lehenengo saria eskuratu dute folklorearen atalean.
Oñatitik 33 lagun joan dira Esloveniara koru lehiaketan parte hartzera. Egubakoitzean egin zuten lehenengo emanaldia. Hamabi taldek hartu zuten parte lehenengo kanporatzean. Esan beharra dago 34 talde aurkeztu zirela lehiaketara, baina epaimahaiak hamabi aukeratu zituen lehiaketan parte hartzeko.
Emanaldi txukuna egin zuen Ganbarak lehenengo kanporaketan eta domekako finalerako sailkatzea lortu zuen beste lau talderekin batera. Domeka goizean jokatu zen finala eta arratsaldean ezagutu zuten oñatiarrek epaimahaiaren erabakia. Laugarren sariarekin itzuli da Ganbara Esloveniatik. Folklorearen atalean, berriz, lehen saria jaso dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak