Txantxiku Ikastolak bere eguna ospatuko du asteburu honetan. Bihar, egubakoitza, haurrendako jolas parkea, bigarren hezkuntzako ikasleen lanak eta Sahara herriarekin elkartasuna ikusiko eta adieraziko dute ikastolako ikasle eta irakasleek. Zapaturako, gela irekiak, erakusketa, haur parkea eta Pirritx eta Porrotx pailazoen ikuskizuna antolatu dituzte. Pailazoek bi saio egingo dute kiroldegian, 16:30ean eta 18:30ean. Sarrerak 5 euro balio du eta salgai daude ikastoako idazkaritza gelan.
Martitzena arte
Astelehenean, antzezki emanaldiak egongo dira Santa Anan English Theatre Company taldearen eskutik. Eta martitzenean Asisko Urmeneta etorriko da ikasleendako hitzaldia ematera, 15:00etan.