Ganbara Abesbatzako talderik gazteenak, kantu tailerrak, estreinaldi kontzertua egingo du zapatuan, apirilak 1, Santa Ana antzokian, 19:30ean. 25 ume dira, ilusioz beteta euren lehen kontzerturako. Ganbara Txikitxo eta Ganbara Txiki taldeek ere abestuko dute.
Ordubeteko kontzertua izango da. Lehenengo zatian, kantu tailerreko umeek hiru pieza abestuko dute, Amaia Biainek eta Aitor Biainek zuzenduta.
Bigarren zatian, Ganbara Txikitxoak abesbatzak denetariko bost abesti eskainiko dituzte, Lide Aranbururen eta Aitor Biainen zuzendaritzapean.
Ganbara Txiki taldeak kantatuko du segidan. Sei pieza abestuko ditu. Bukatzeko, Nire herriko neskatxa maite (B. Lertxundi) eta Azken agurra (I. Otaño) abestuko dituzte hiru taldeek batera. Bi horiek Aitor Biainek zuzenduko ditu.
Pianoa jotzen, Arantzazu Zelaia arituko da.
Kontzerturako sarrerak kultura etxean eros daitezke, 3 eurotan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak